Tag Archives: village training centre

பெட்ரோல், டீசல் விலை ரு.2 குறைப்பு


பெட்ரோல், டீசல் விலை ரூ.2 குறைப்பு

பெட்ரோல் டீசல் விலை லிட்டருக்கு ரூ. 2 குறைக்கப்பட்டுள்ளது. இந்த விலைக்குறைப்பு இன்று நள்ளிரவு முதல் அமலுக்கு வரும் என்று எண்ணெய் நிறுவனங்கள் அறிவித்துள்ளன.

திருமணப்பதிவு செய்வது பெண்களுக்கு பாதுகாப்பைத் தரும்


“திருமணத்தைப் பதிவு செய்வது பெண்களுக்கு பாதுகாப்பைத் தரும்’

First Published : 13 December 2014 06:46 AM IST

திருமணத்தைப் பதிவு செய்வது பெண்களுக்கு பாதுகாப்பைத் தரும் என்று விழிப்புணர்வு கருத்தரங்கில் தெரிவிக்கப்பட்டது.

திருச்சிற்றம்பலம் ரைட் தொண்டு நிறுவனம், புதுவை அதேகொம் பின்னகம், மைத்திரி பின்னகம் சார்பில் பெண்களுக்கு எதிரான குடும்ப வன்முறை எதிர்ப்பு தின பிரசார கருத்தரங்கம் திருச்சிற்றம்பலத்தில், அண்மையில் நடந்தது.

தொண்டு நிறுவனங்கள் சார்பில், ஜிடி எலக்ட்ரானிக்ஸ் நிறுவனம் நடத்திய இக்கருத்தரங்குக்கு ரைட் தொண்டு நிறுவன நிர்வாகி ரூபாதேவி தலைமை வகித்தார். ஜிடி எலக்ட்ரானிக்ஸ் நிறுவன மேலாளர் அல்போன்ஸ், உதவி மேலாளர் கண்ணன் முன்னிலை வகித்தனர். அவேர் தொண்டு நிறுவன திட்ட மேலாளர் ராமசாமி வரவேற்றார்.

புதுவை கூட்டுக் குரல் தொண்டு நிறுவன இயக்குநர் பெருமாள் சிறப்பு அழைப்பாளராகப் பங்கேற்று கருத்துரை வழங்கினார்.

குடும்ப வன்முறையிலிருந்து பெண்களை பாதுகாக்கும் வழிமுறைகளை விவரித்ததோடு, திருமணமான பெண்கள், திருமணத்தை பதிவு செய்ய வேண்டும், பதிவு செய்ய தவறுவதே குடும்ப வன்முறைக்கு முதல் இலக்காக அமைகிறது என்று அறிவுறுத்தினார்.

பெஸ்ட் நிறுவன இயக்குநர் லெனின், கலையரசி ஆகியோர் பங்கேற்று, மத்திய அரசு கொண்டு வந்த குடும்ப வன்முறை பாதுகாப்புச் சட்டம் குறித்து விளக்கினர்.

கருத்தரங்கில், அம்பேத்கர் நினைவு தினத்தையொட்டி அவரது உருவப் படத்துக்கு அஞ்சலி செலுத்தினர். இதில், 100-க்கும் மேற்பட்ட பெண்கள் கலந்து கொண்டனர்.

சட்ட விழிப்புணர்வே பெண்களை வன்முறையில் இருந்து பாதுகாக்கும்


சட்ட விழிப்புணர்வே பெண்களை வன்முறையில் இருந்து பாதுகாக்கும்

image1 image0
சட்ட விழிப்புணர்வுதான் பெண்களை வன்முறையில் இருந்து பாதுகாக்கும் என புதுச்சேரி முதன்மை குற்றவியல் நடுவர் ஆர். விஜயகுமாரி தெரிவித்துள்ளார்.

அதேகொம் பின்னகம், மைத்திரி தேசிய பெண்கள் கூட்டமைப்பு ஆகியன இணைந்து ஏற்பாடு செய்துள்ள 16 நாள் தொடர் பிரசாரத்தில் “சந்தையின் நியாயத்தின் குரல்’ என்ற குடும்ப வன்முறை குறித்த விழிப்புணர்வுப் பிரசாரம் பெத்திசெமினார் பள்ளி எதிரில் ஞாயிற்றுக்கிழமை நடைபெற்றது.

அதேகொம் பின்னக நிர்வாக இயக்குநர் ப.லலிதாம்பாள் அறிமுகவுரை ஆற்றினார். கள விளம்பர அதிகாரி தி.சிவக்குமார் தலைமை வகித்தார்.

இதில் முதன்மைக் குற்றவியல் நடுவர் விஐயகுமாரி விழிப்புணர்வு பிரசாரத்தைத் தொடங்கி வைத்து பேசியதாவது: சட்ட விழிப்புணர்வுதான் பெண்களை வன்முறையிலிருந்து பாதுகாக்கும்.

மேலும் பெண்கள் தாங்களுக்கு பிரச்னை வரும் போதுதான் சட்டத்தின் தீர்வை நோக்கி வருகிறார்கள்.

இதனால் கால தாமதமாக தீர்வு கிடைக்கிறது. இதை தவிர்க்க பெண்கள் சட்ட விழிப்புணர்வு பெற வேண்டும் என்றார்.

இந்நிகழ்ச்சியில் மூத்த வழக்குரைஞர் மு.பெருமாள், அகில இந்திய வானொலி நிலைய முதுநிலை அறிவிப்பாளர் உமா மோகன், வழக்குரைஞர்கள் சிவகணபதி, மேரி அன்னா தயாவதி, ஆகியோர் கலந்து கொண்டனார்.

இதற்கான ஏற்பாடுகளை அதேகொம் பின்னக ஒருங்கிணைப்பாளார்கள் ராஜா, அர்ச்சனா, பிரபாகரன் ஆகியோர் செய்திருந்தனர்.

ஞாயிறுசந்தையின் நியாயத்தின் குரல்

image0

குடும்பவன்முறை குறித்த பிரச்சாரம் புதுச்சேரி முதன்மை குற்றவியல் நடுவர் துவக்கி வைத்தார்.

image0

நியாயமான தீர்ப்பு கிடைக்க சட்ட விழிப்புணர்வு அவசியம்

 புதுச் சேரி அதேகொம் பின்ன கம், மைத்திரி தேசிய பெண்கள் கூட்டமைப்பு சார்பில் ஞாயிறு சந்தையின் நியாயத்தின் குரல் என்னும் தலைப்பில் குடும்ப வன் முறை குறித்த விழிப்புணர்வு பிரசாரம் மகாத்மா காந்தி வீதியில் நேற்று நடந்தது.

ஒருங்கிணைப்பாளர் ஏழுமலை வரவேற்றார். அதேகொம் பின்னக நிர் வாக இயக்குனர் லலிதாம் பாள் நோக்கவுரை ஆற்றி னார்.
கள விளம்பர அதி காரி சிவகுமார் தலைமை தாங்கினார். முதன்மை குற்றவியல் நீதிபதி விஜயகுமாரி பிரசாரத்தை துவக்கி வைத்து பேசியதாவது, சட்ட விழிப்புணர்வுதான் பெண்களுக்கு எதிரான வன்முறைகளில் இருந்து விடுதலை பெற்ற தரும்.
பெண்களுக்கு பிரச்னை ஏற்படும் போது தான் அவர்கள் சட்டத்தை நாடுகிறார்கள. இதனால் அவர்களுக்கான நியாய மான தீர்ப்பு தாமதாக கிடைக்கிறது. இதை தவிர்க்க பெண்கள் சட்ட விழிப்புணர்வு பெற வேண் டும் என கூறினார்.
வழக்கறிஞர்கள் பெரு மாள், அன்னா தயாவதி, சிவ.கணபதி, வானொலி நிலைய முதல்நிலை அறிவிப்பாளர் உமா மோகன் ஆகியோர் வாழ்த்துரை வழங்கினர்.
இதற்கான ஏற்பாடு களை அதேகொம் பின்னக ஒருங்கிணைப்பாளர்கள் ராஜா, ஆனந்தி, அர்ச்சனா, பிரபாகரன் ஆகியோர் செய்திருந்தனர்.

 

image1

பெண்களுக்கு எதிரான வன்முறைகளே தற்கொலைக்கு காரணம்


“பெண்களுக்கு எதிரான வன்முறைகளே தற்கொலைக்கு காரணம்’

image0

“பெண்களுக்கு எதிரான வன்முறைகளே தற்கொலைக்கு காரணம்’

பெண்களுக்கு எதிரான வன்முறைகளே அவர்களின் தற்கொலைக்கு காரணம் என கிராமப்புற காவல் துறை கண்காணிப்பாளர் தெய்வசிகாமணி தெரிவித்தார்.

அதேகொம் பின்னகம், நேயம் அமைப்பு மற்றும் மைத்திரி தேசிய பெண்கள் கூட்டமைப்பு ஆகியவை இணைந்து நடத்தும் பெண்களுக்கு எதிரான வன்முறை குறித்த 16 நாள் தொடர் மிதிவண்டி பிரசாரம் மதகடிப்பட்டு பேருந்து நிலையத்தில் வெள்ளிக்கிழமை தொடங்கியது.

கிராமப்புற காவல் துறை கண்காணிப்பாளர் தெய்வசிகாமணி பிரசாரத்தை தொடங்கி வைத்துப் பேசியதாவது:

பெண்களுக்கு எதிரான வன்முறைகளை குறைக்க காவல் துறை பல்வேறு நடவடிக்கைகளை எடுத்து வருகிறது. பெண்கள் மீது நிகழ்த்தப்படுகின்ற வன்முறைகள் பற்றி இன்று பல்வேறு அமைப்புகள் குரல் கொடுக்கின்றன. எனவே பெண்களுக்கு தேவையான பாதுகாப்பும், ஆலோசனைகளும் கிடைக்கின்றன.

குடும்பத்தில் பெண்களுக்கு சமமாக, சக மனிதராக மரியாதை வழங்கும்போதுதான் அந்த குடும்பம் மகிழ்ச்சியாக விளங்கும். பெண்களின் தற்கொலைக்கு காரணம் அவர்களுக்கு எதிராக நிகழ்த்தப்படுகின்ற வன்முறை சம்பவங்களே என்றார் தெய்வசிகாமணி.

நிகழ்ச்சிக்கு வழக்குரைஞர் சீனு.பெருமாள் தலைமை வகித்தார். கூட்டுக்குரல் நாடகக்குழு உறுப்பினர்கள் விழிப்புணர்வு பாடல்கள் பாடினர். மிதிவண்டி பிரசாரம் மதகடிப்பட்டில் தொடங்கி திருபுவனை, திருவண்டார் கோயில், அரியூர், பங்கூர், ஆரியப்பாளையம், பிச்சவீரன்பேட் ஆகிய பகுதிகள் வழியாக நடைபெற்றது.

இதில் 30-க்கும் மேற்பட்ட பெண்கள் மிதிவண்டியுடன் கலந்து கொண்டனர். குடும்ப வன்முறை குறித்த துண்டு பிரசுரமும் பிரசாரத்தின்போது வழங்கப்பட்டது. இதில் கூட்டுக்குரல் நாடக இயக்க உறுப்பினர்கள் ஏழுமலை, முருகன், கு.மஞ்சுளா, வாலினி, கஸ்தூரி உள்ளிட்டோர் பங்கேற்றனர்.

பெண்களுக்குகெதிரான வன்முறை குறித்த மிதிவண்டி பிரச்சாரம்

image0-001 image1-001 image2

குடும்ப வன்முறை சட்டம் குறித்த பெண்களுக்கு விழிப்புணர்வு தேவை.

DSCF2353

“குடும்ப வன்முறை சட்டம் குறித்து பெண்களுக்கு விழிப்புணர்வு தேவை’

குடும்ப வன்முறைச் சட்டம் குறித்து பெண்களுக்கு விழிப்புணர்வு தேவை என்று மூத்த வழக்குரைஞர் என்.கே.பெருமாள் வலியுறுத்தியுள்ளார்.

குடும்ப வன்முறைச் சட்டம் குறித்து பெண்களுக்கு விழிப்புணர்வு தேவை என்று மூத்த வழக்குரைஞர் என்.கே.பெருமாள் வலியுறுத்தியுள்ளார்.

அதேகொம் பின்னகம், மைத்ரி தேசிய பெண்கள் கூட்டமைப்பு சார்பில் பெண்களுக்கு எதிரான வன்கொடுமை ஒழிப்பு விழிப்புணர்வு பிரசாரம், காலாப்பட்டு டாக்டர் அம்பேத்கர் சட்டக் கல்லூரியில் சனிக்கிழமை நடைபெற்றது.

கல்லூரி முதல்வர் விஜயலட்சுமி தலைமை வகித்தார். துணை பேராசிரியை பி.அங்கயற்கண்ணி வரவேற்றார். அதேகொம் பின்னகம் நிர்வாக இயக்குநர் ப.லலிதாம்பாள், வழக்குரைஞர் சீனு பெருமாள் முன்னிலை வகித்தனர்.

நிகழ்ச்சியில் கலந்துகொண்ட மூத்த வழக்குரைஞர் என்.கே.பெருமாள் பேசியதாவது:

குடும்பத்தில் நடைபெறும் வன்முறைகளில் இருந்து பெண்களை காக்கவே கடந்த 2005-ஆம் ஆண்டு குடும்ப வன்முறைச் சட்டம் நிறைவேற்றப்பட்டது. இதன்படி கணவனால் துன்புறுத்தப்படும் பெண் மட்டும் அல்லாது சகோதரி, விதவை, ஆதரவற்ற பெண்களும் பாதுகாப்புப்பெற முடியும்.

இச்சட்டம் உரிமையியல் அடிப்படையிலும், குற்றவியல் அடிப்படையிலும் வடிவமைக்கப்பட்டது. இச்சட்டத்தின்படி வரதட்சிணைக் கொடுமை, பொருளிழப்பு, மன உளைச்சல் போன்றவற்றில் இருந்து சட்டரீதியான பாதுகாப்பு தரப்படுகிறது.

பெண்ணின் குற்றச்சாட்டு நிரூபிக்கப்பட்டால், சிறை தண்டனையும், பெண்ணுக்கு இழப்பீடும் தரப்படுகிறது என்றார்.

பின்னர் சட்டக்கல்லூரி மாணவ, மாணவியருக்கு குடும்ப வன்முறைச்சட்ட புத்தகம் வழங்கப்பட்டது.

 

image0

கேலி செய்தால் புகார் அளியுங்கள்


கேலி செய்தால் புகார் அளியுங்கள்

கேலி, கிண்டலால் பாதிப்படைந்தால் பெற்றோர், ஆசிரியரிடம் கூறி காவல் நிலையத்தில் புகார் அளிக்க முன் வர வேண்டும் என்று மாணவிகளுக்கு எஸ்பி ரக்ஷனா சிங் அறிவுரை வழங்கினார்

புதுவை கதிர்காமம் அரசு பெண்கள் மேல்நிலைப் பள்ளியில், பெண்களுக்கு எதிராக நிகழும் வன்முறை தடுப்பு தொடர்பான விழிப்புணர்வு நிகழ்ச்சி புதன்கிழமை நடைபெற்றது. தலைமை ஆசிரியர் ரகோத்தமன் தலைமை வகித்தார்.

புதுவை எஸ்பிக்கள் மகேஷ்பன்வால், ரக்ஷனா சிங் ஆகியோர் சிறப்பு விருந்தினர்களாகப் பங்கேற்று, மாணவிகளுக்கு விழிப்புணர்வு ஏற்படுத்தி பேசினர். அப்போது எஸ்பி ரக்ஷனா சிங் பேசியது:

பெண்களை கேலி, கிண்டல் செய்வது அதிகரித்துள்ளது. நீங்கள் (மாணவிகள்) கேலி கிண்டலுக்கு ஆளானால், இது குறித்து பெற்றோர், ஆசிரியர்களிடம் தெரிவித்து புகார் கொடுக்க வேண்டும்.

உங்கள் தோழிகளும், இது போன்று கிண்டலுக்கு ஆளாகி வெளியே சொல்லாமல் இருந்தால், இது குறித்து விழிப்புணர்வு ஏற்படுத்தி புகார் செய்ய அழைத்து வர வேண்டும். ஆண்களால் பாதிப்பிற்கு உள்ளாகும் போது, பெண்கள் அது குறித்து தைரியமாக புகார் தெரிவிக்க வேண்டும் என்றார்.

சமூக விரோதிகளால் தாக்குதலுக்கு உள்ளாதல், ஆசிட் வீச்சு, செயின் பறிப்பு போன்ற எதிர்பாராத சம்பவங்களின் போது, பெண்கள் தங்களை தற்காத்துக்கொள்வது குறித்து மாணவிகளுக்கு எஸ்பி பயிற்சியளித்தார்.

நிகழ்ச்சியில், கோரிமேடு சப் இன்ஸ்பெக்டர்கள் நாகராஜ், கோவிந்தராஜன் மற்றும் ஆசிரியர்கள், மாணவிகள் பலர் கலந்து கொண்டனர்.